ذبحتونا بالقطع المبرمج

اقرو اهني اول شي

ماصارت هالقطع المبرمج الي كل يوم طالعلين لنا بسالفه يديده وياه, قالو تستخدمون كهربا وايد وخففنا والحين يوم شافو انه وياهم ومانكرف الكهربا يقولون درجه الحراره؟ انا شعلي بدرجه الحراره؟ يعني اذا درجه الحراره وصلت 48 اكيد انا بموت من غير تكييف!! ولا يعني مايرتاحون لي مانموت ولا شسالفه؟ انا مو فاهم شنو المغزى من الموضوع, ليش مايسوون مولد مادري شسمه هذا مال الكهربا يديد وعشان لا يصير ضغط على الكهربا ويفكونه؟!

انا اقول لو يقطعون الكهربا كل يوم من الساعه 6 الصبح لي 6 المغرب وايد احسن يعني الواحد يستمتع بالجو الجميل والبراد والهوى الشمالي العدل هذا واذا استبرد يتمشى بالشمس عشان يتدفى احسن, شلنا بالكهربا والتكييف وعوار الراس؟

واقول لو يوزعون حبل مشنقه حق كل بيت بالكويت بدال الكتيبات الي يوزعونهم وكاتبين عليهم "باقي %3 على القطع المبرمج" وايد احسن يعني اذا الواحد صكت فيه الدنيا يشنق نفسه ويفتك ويفك العالم من شره احسن,,,