احمو الناس من الطاعووووون

هالجمله اتذكرها من مسلسل محظوظه ومبروكه كان اسم المسلسل "على الدنيا السلام" كانت تقول هالجمله وحده مينونه بالمصحه وماتذكرت هالجمله الا امس,,, رحت العصر بشتري خبز من فرع الجمعيه ولا يقولي الي يشتغل اهناك الخبز خلص بعد ماوصل الصبح بساعه فا انا قلت بقلبي اكيد الناس قامو يحبون الخبز شي جميل, فقلت ماكو الا الجمعيه ولا الاقي بره أمه محمد تدور مسافط وطق عصي على الجمعيه عسى ماشر شصاير؟! سفطت سيارتي مكان بعيد ونزلت اول مادخلت الجمعيه ولا انصعق من الدهشه (اهم شي الصعقه) عند كل كاشير اكثر من 5 عربانات ناطرين يحاسبون والدنيا زحمه ولحق ماتلحق على الاكل ماكو بطل فمتو بالجمعيه الا وراح ولا اكو خبز ولا ماي ولا شي الجمعيه صفرت خلاص مابقى الا جريده الوسيط ولا بعد ناقصه, سألت المصري الي عند الباب شصاير ليش هالحزمه؟ يقولي "ماانت عارف رمضان" انزين وشنو يعني رمضان؟ تذكرت دعايه فنون الي الكاشير يقول "عندنا مهرجان واسعار رخيصه" ككككككك وشنو يعني رمضان خير ياطير؟ الناس بتعتكف بالبيت الشهر كله يعني ويصلون وياكلون ولا شسالفه؟ والله ناس فسقانه مايدرون شيسوون بهل جم فلس الي عندهم :×

قولو وياي

الفئران آتيه احمو النااس من الطاعوووووون