اطباء الكويت يعالجون بمزاج....
كان والدي العزيز يعاني من الم بسبب ضرس العقل منذ قبل شهر رمضان الكريم وتقريبا ماخلى مستوصف ولا مستشفى الا وراحله وكل واحد منهم يتعذرله بشي ويقوله ماقدر اشيلك الضرس ويحوله على مكان ثاني او مستشفى ثانيه واتوقع لو اي شخص فيكم جرب الم ضرس العقل بيعرف المعاناه الي عاشها الوالد العزيز, من اعذار الاطباء الي ماعلجوه كما يلي:
وكنا تقريبا نطبق مقوله "الحق الجذاب لي باب البيت" وبعد ماعدى رمضان والعيد كان عنده تحويل حق مستشفى العدان ولما راح قاله الدكتور الهندي "ماقدر اشيلك الضرس من اول زياره لازم لما تييلي مره ثانيه" ماشالله العذر قوي اتوقع يمكن اهوه معجب بشخصيه ابوي ويبي يتعرف عليه ويبيه يزوره اكثر من مره والله اعلم وكان ابوي يستخدم المضاد الحيوي من اول يوم العيد وبهذا الموعد عند هالدكتور الطيب عطاه وصفه حق مضاد حيوي للمره الخامسه وقاله استمر عليه وراجعني بعد اسبوعين!!! اتوقع لو قايل حق ابوي يروح يموت اسهله!! ومن كثر مايزور اطباء الاسنان وكلهم يوصفوله نفس الدوى عندنا الحين 8 اشرطه من المضاد الحيوي, ولما بائت كل المحاولات السلميه بالفشل اتصلت على واحد من الشباب واهوه دكتور اسنان بس بمنطقه ثانيه وقالنا تعالو العياده فاضيه مافي احد ورحناله, الوالد قعد على كرسي الدكتور الساعه 8 بليل والساعه 8:20 احنا بالسياره وخلصنا والضرس انشال ولا انكسر الجسر ولا قالنا تعالو بعدين ولا شي قالنا الموضوع مو مستاهل تأجيل ومستغرب انه ليش قاعدين يأجلون الموعد وكل واحد يقوله ماقدر.
اتوقع لو كل واحد بيتعالج يصيرله جذي ماقول الا "على الدنيا السلام" واتمنى محد يصيرله هالموقف
وخل اروح اشتري برد حقي وحق ابوي وايد احسنلي :P
ويعطيكم العافيه يالدكاتره السنعين, واما الدكاتره الي مو مضبوطين اقولهم ماتيون تدشون ب........... قلبي
:P
"ماعندي المعدات الي اشيل الضرس فيها"
"لو تروح مستوصف ثاني يشيلك اياه احسن مني"
"اخاف اكسر الجسر الي يم الضرس"
ومن اجمل الاعذار هذي
"الوقت متأخر تعالي باجر اشيلك اياه"
وكنا تقريبا نطبق مقوله "الحق الجذاب لي باب البيت" وبعد ماعدى رمضان والعيد كان عنده تحويل حق مستشفى العدان ولما راح قاله الدكتور الهندي "ماقدر اشيلك الضرس من اول زياره لازم لما تييلي مره ثانيه" ماشالله العذر قوي اتوقع يمكن اهوه معجب بشخصيه ابوي ويبي يتعرف عليه ويبيه يزوره اكثر من مره والله اعلم وكان ابوي يستخدم المضاد الحيوي من اول يوم العيد وبهذا الموعد عند هالدكتور الطيب عطاه وصفه حق مضاد حيوي للمره الخامسه وقاله استمر عليه وراجعني بعد اسبوعين!!! اتوقع لو قايل حق ابوي يروح يموت اسهله!! ومن كثر مايزور اطباء الاسنان وكلهم يوصفوله نفس الدوى عندنا الحين 8 اشرطه من المضاد الحيوي, ولما بائت كل المحاولات السلميه بالفشل اتصلت على واحد من الشباب واهوه دكتور اسنان بس بمنطقه ثانيه وقالنا تعالو العياده فاضيه مافي احد ورحناله, الوالد قعد على كرسي الدكتور الساعه 8 بليل والساعه 8:20 احنا بالسياره وخلصنا والضرس انشال ولا انكسر الجسر ولا قالنا تعالو بعدين ولا شي قالنا الموضوع مو مستاهل تأجيل ومستغرب انه ليش قاعدين يأجلون الموعد وكل واحد يقوله ماقدر.
اتوقع لو كل واحد بيتعالج يصيرله جذي ماقول الا "على الدنيا السلام" واتمنى محد يصيرله هالموقف
وخل اروح اشتري برد حقي وحق ابوي وايد احسنلي :P
ويعطيكم العافيه يالدكاتره السنعين, واما الدكاتره الي مو مضبوطين اقولهم ماتيون تدشون ب........... قلبي
:P
posted by outlaw at 1:30 PM
3 Comments:
لوووول
أحلى شي إلي ما عنده معدات
سلامة الوالد
الله يعز العيادات الخاصة! ; )
مايشوف شر الوالد : )
لوول الله يسلمكم
شسوي بعد رايح حق بنجرجي مو دكتور شكلي :P
Post a Comment
<< Home