الامتحاناات قربتت

ومع اقتراب امتحانات نهايه الفصل يسود التوتر في الارجاء والكل يفكر ويوسوس وتييله كوابيس عن الامتحانات

"والله مشكله هلإمتحانات شحقه نمتحن؟ خل يعطونه الشهاده ويفكونه من الدراسه"

هالجمله كنت كله ارددها لما كنت صغير وماكنت ادري ليش يمتحنونه ولما كبرت فكرت فيها قلت شهل غباء لوووول فا انا ابي يعطوني الشهاده ومابي امتحن ابي ارد طفل بزون صغيرون (شلونك انت زين؟) ابي انجححح

شلونكم ويا امتحاناتكم؟ زينين؟ درستو عدل؟ الله يعينكم بس

انا بعطيكم طرق للنجاح بس الي يسقط فيها مالي شغل

اولا: اقرى الماده حتى لو موفاهم شي بالماده لأنه مرات تصدف معاي اني اتذكر شي قريته ولو اني مادري شنو معناته

ثانيا: احفظ الي تقدر علييه ولا تخلي شي بخاطرك

ثالثا: واهني تكمن المشكله اهااااا راح تقولون شلون؟ انا اقولكم

طلعو ورقه صغيرونه كبر الابهام واكتب عليها بخط صغير وواضح الاشياء الي تنساها او مهمه بالماده مو برشااامه هذيي هذي بس مذكره صغيره تساعدكم وقت الشده

والحين بتقولولي وين نخشهااا؟؟؟

والله كل واحد وخبرته ولياقته وذكاائه وانا راح اعطيكم نبذه بما انه الجو بارد والناس تلبس وايد ملابس هذا شي مفيد ويساعد على الخش والدس, عندكم مثلا اذا كان الكرسي الي تقعد عليه طوالي و مغطى من جدام تحطون الورقه تكرمون بدلاغكم,,,ادري بتقولون شهل ذكاء؟ بس طبعا ذوي الاحجام الكبيره والي مايقدر يقعد ريل على ريل ويطول الله يعينه ولا بسويها عشان لا يحوشه شد عضلي مو وقته كلش والي يقدر خل يسخن ريله قبل الامتحان لوول

والطريقه الثانيه انه الي جمه طويل يجفسه ويحطه بالجم

وفي وايد طرق بس ما اقدر افصح عنها عشان اذا في مدرسين لا يطيحون على اخوانا االطلاب ويخربون عليهم مستقبلهم الباهر :P

لووول بس الي ينصاد لا يدعي علي والله محد قالكم سوو هالحركات وماتدرسون, درسو بعد شنو؟ شعندكم؟ شنو الي شاغلكم؟

والله يعين الي يسوي هلأشياء الي انا قلتها نياهييهيهيهاياهياهياي

ومثل مايقول المثل:

وقت الامتحان يكرم المرء او يهان

وانشالله كلكم تكرمون وتنجحون وتيبون تقدير وبسكم هياته والروحات والردات الي مالها معنى درسو شويه حق مستقبلكم

والله ولي التوفيق وخلوني ادرس وراي امتحانات

يالله نراكم لاحقا

جاااااو

الطالب الكويتي المو نموذجي بمصر :×

كل طالب وله معاناته وانا معاناتي بالشقه وبالجامعه

المقرود طول عمره مقرود

طبعا اول شي الصبح اول ما اقوم ومالي خلق اقعد اتقلب بالفراش واطالع السقف والكبت واتأمل لأنه مايحلى التأمل الا لما تبي تقوم من النوم, وبعد عناء اقوم من النوم واغسل واصحصح واروح ابطل البلكونه عشان يطقني هالهوى البارد الي يحبه قلبكم واشوف الجو بارد ولا بويرد عشان اعرف شالبس (يابو الذوق انت) وطبعا البس اي شي جدامي وحتى ما امشط شعري مالي خلق نفسي بس المهم اتجهز وبعدين معاناتي اني اقعد عيال خالي حق الدوام صراخ ومناقز ومادري شنو ولا حياة لمن تنادي والبس واخلص واهمه توهم يقعدون فا اقعد اطالع تلفزون شحاطين مو حاطين وكل البرامج تضيق الخلق ماكو الا فنون نشوف اشياء اثريه وبعد ماتصير الساعه 9 وربع نطلع والمحاضره المفروض الساعه 9 بس على مييين؟؟ نوصل الجامعه ونقعد وننطر وايي الدكتور الساعه 10 ويعصب يقول ليش الطلاب متأخرين!! الحمدالله والشكر بس

ولما تبدى المحاضره طبعا ماندري شقاعد يقول الدكتور الي يشخبط بالدفتر والي يكتب شعر والي يطالع الي رايح والي ياي والي يدزدز حق الناس بالبلوتوث والي نايم (مادري شحقه مداومين) ومانصدق اول ماتخلص المحاضره تلاقون كل الشباب يطلعون بره القاعه ويطيحوله زقاير جنه مو شايفين خير وانا اقعد بالقاعه انطر المحاضره الي وراها, تجاره الزقاير مربحه %100 اهني اذا لقيت واحد مصري ومايدخن يعني هذا مصري ضروب :P

وبعد مايخلص الدوام ارد الشقه ميت يوع ابي اكل اي شي ومالي خلق لا اطبخ ولا اسوي شي, واسهل شي اسويه دق على احلى مطعم واييب احلى اكل واطيحله, كوييتييييين مالهم خلق شيييييي

لو تدرون شلون شابك بتهفوني بأقرب شي يمكم :× قاعد بالبلكونه وشابك من وايرلس جيرانه مادري العماره الي يمنا انترنت ببلاش احلى :P لو يصيدوني يشلخوني ويهيههههههههيهيهيهيهيهي

بس ذبحني الانترنت واهوه يقطع السقنل ضعيف المره اليايه اقولكم عن قروبات الجامعه

ووفقنا الله وياكم

والسلام عليكم ورحمه الله وبركاته

والي يبي شي من مصر يقولي بس يدفع الدبل عشان اتعابي :P

لا تصدقون بس وتسطرولي لسته لووول

بااايو

اخييييه عالبرد

الجو جميل وبارد وقارص واحنا قاعدين وماعندنا شغل وملل ومجابلين محطات التلفزون
ومومخلين محطه بالتلفزون الا وحفظنا برامجها لووول
والله يعينا ويصبرنا لي بعد شهرين ونرد الكويت يييييييو :P
والشباب مخيمين بالكويت ومستمتعين بالقز واكل الطعام اللذيذ واحنا ماعندنا الا المطاعم والبرقر :×

ماقول الا الحمدالله على كل حال

وادعولي بالتوفيق

وانشالله بأقرب وقت اعطيكم تقرير مفصل عن الي صاير والوضع