<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d36306078\x26blogName\x3dHave+a+Break\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://outlawq8.blogspot.com/search\x26blogLocale\x3den_US\x26v\x3d2\x26homepageUrl\x3dhttp://outlawq8.blogspot.com/\x26vt\x3d-5266416687822760326', where: document.getElementById("navbar-iframe-container"), id: "navbar-iframe" }); } }); </script>
Wednesday, January 31, 2007

Upgrade your windows from XP to VISTA

since microsoft lunched the new windows now you can upgrade you PC through their websit.
they are offering 5 types of installation wich you can
check out from here and they are:
1-Ultimate
2-Home Premium
3-Home Basic
4-Business
5-Enterprise: Designed to significantly lower IT costs and risks, Windows Vista Enterprise meets the needs of large, global organizations with complex IT infrastructures


Upgrading to Windows Vista with a clean install means that you should use
Windows Easy Transfer to automatically copy all your files and settings to an extra hard drive or other storage device, and then install Windows Vista. After the installation is complete, Windows Easy Transfer will reload your files and settings on your upgraded PC. You will then need to reinstall your applications.


To upgrade your windows Click here to Download Windows Vista Upgrade Advisor.
The Windows Vista Upgrade Advisor will help you to determine if your Windows XP-based PC can run Windows Vista. You can also use the Upgrade Advisor to determine if your Windows Vista-based PC is ready for an upgrade to a more powerful
edition of Windows Vista
This small software tool will scan your computer and create an easy-to-understand report of all known system, device, and program compatibility issues, and recommend ways to resolve them. Upgrade Advisor can also help you to choose the edition of Windows Vista that best fits the way you want to use your computer.
Just download, install, and run the Windows Vista Upgrade Advisor


PS: i didn't upgrade my windows yet cause Windows Vista needs a specific kind of high quality hardware that i don't have and a huge space in the hard disk.

Labels: ,

Tuesday, January 30, 2007

عظم الله اجورنا واجوركم

شيعتي مهما شربتم عذب ماء فأذكروني
أو سمعتم بقتيل أو شهيد فأندبوني
فأنا السبط الذي من غير جرم قتلوني
وبجر الخيل بعد القتل عمدا سحقوني
فياليتكم في يوم عاشوراء جميعا تنظروني
كيف أستسقي لطفلي فأبوا أن يرحموني
وسقوه سهم البغي عوض الماء المعيِنِِِِ
عظم الله أجورنا وأجوركم بمصاب أبا عبد الله الحسين
لقد عظمت الرزية وجلت وعظمت المصيبة بك علينا وعلى جميع أهل الإسلام
السلام على الحسين وعلى علي إبن الحسين وعلى أولاد الحسين وعلى أصحاب الحسين

Labels: ,

Thursday, January 25, 2007

رحله الى ايكيا

قبل جم يوم رحت رحله عائليه الى ايكيا اليديد الي مادري بأي منطقه بس اهوه وايد كبير وكان عندنا مشروع ريوق بس لأسباب تقنيه صار غدى ويهيهيهيهيهي
وهذي اهيه البوابه واكو يمها نافوره بس ماصورتها كان برد (حده شكو) وانا كنت مستعيل بدش اشوفه من كثر ما يمدحونه

ودشينا وصعدنا فوق حق المطعم وكان صج حلو شكله وكشخه واحسن شي انه كان هدووووء مافي احد صخه الواحد ياكل على راحته,,,,واهني بدايه البوفيه كل واحد ياخذله صحن وقفشه وشوكه ويلحقني


هذا قسم الحلويات والعصير مادري شحقه حاطينه اول شي


واهني الشغل العدل كنت مشتهي عيش من زمان مو ماكل عيش مضبوط مع مرء (مرق) كاري مادري شسمه ويهييهيهيه


وبالهنى والشفى على قلوبكم انشالله


وانا اكل كانت هذي معلقه جدام ويهي فوق الطاوله عجبني شكلها قلت خل اصورها, وبعد الاكل الحلو قلنا خنتسوق ونفتر وخذيت اخوي الصغير وقعدنا نفتر بسرعه وخلصناه كله جان نرد ندش مره ثانيه ورحنا صوب الالعاب لعبنا شويه


وهذي آثار اللعب


واونس شي انه في وايد اقلام واوراق يالله شيل شيل ببلاش :P
هذا الي تسجلون طلباتكم فيه عشان وانتو طالعين تستلمونه


انا عجبتني هالطريقه ككك مخزن شكبرههههه ومن اهني تستلم الي تبي تشتريه كله اغراض وانا كان ودي انه الشي الي انا شاريه فوق كلش عشان اشوف شلون ينزلونه بس للأسف طلع تحت


و بعدها خليناهم يدفعون ورحنا ناكل ذره بره عند الكاشير وانتهت رحله اليوم وعلى امل ان اراكم في رحله ثانيه مشوقه

واستانسنا بهل رحله الجميله لمكان يديد والي ما يدل وين صاير لا يسألني انا زين ادل بيتنا وكل ما اطلع لازم اضيع :(

لنا لقاء آخر

Labels: ,

Monday, January 22, 2007

Home Sweet Home

بعد عناء و الابتعاد عن ارض الوطن لمده 3 اشهر اخيييرا ارجع اليوووم اخييه والله مشتاق حق الديره
مشتاق حق طباخ البيت...الغربه تخلي الواحد يجرب كل المطاعم
مشتاق اشوف سيارات مثل الاوادم...الغربه تخلي الواحد يرضى بسيارته حتى لو كانت قاري بوتايرين
مشتاق حق التمشي بالشارع بأمان من غير ما اييلك واحد ويطلع سجينه ويقولك عطني الي عندك والي ماعندك
مشتاق حق المجمعات...الي يشوف مجمعات الناس الثانيه يقول الحمدالله والشكر
مشتاق حق السينما...لاعت جبدي من كثر ما اطالع افلام مصريه
مشتاق حق الاوادم السنعه...عيوني قامت تعورني من كثر ما اشوف ناس لابسه بنفسجي ويا اصفر مادري شلون يلوقون مع بعض هلألوان
مشتاق حق النت الي ماينقطع كل 5 دقايق
مشتاق حق الهنود الي يوقفون عند الاشارات واول ما يشوفون احد يسلمون عليه ويخمون يمه
مشتاق حق الناس الي ماعندها تاكل وتشتري سيارات اقصادها مدى الحياه
مشتاق حق المطاعم الي يشتغلون فيها فلبن الي تكلمهم انجليزي يكلمونك عربي
مشتاق حق شارع الخليج الي كل اربعه وخميس يصير زحمه جنه ماكو شارع غيره بالكويت
مشتاق حق البيوت الي فيها عازل مو مثل الي اهني انت قاعد بالبيت جنك قاعد بالشارع, البيت ابرد من الشارع وتسمع الي يسولف بالشارع جنه قاعد يمك
مشتاق للنوم بفراشي من غير لا يمر يوم ويطقون الباب ويخربون نومي ويقولولي "ماعندكش مكوى؟"
مشتاق حق بطاط كتكو
مشتاق حق الماما والبابا
مشتاق حق الكويت
الي يشوف مصيبه غيره تهون مصيبته
عمار يا كويت
والحسووووود بعيييينه عووووود

Labels:

Saturday, January 20, 2007

كل عام وانتو بخير

بمناسبه السنه الهجريه الييديده اود ان اهني الامه الاسلاميه واعاد الله علينا جميعا بالخير واليمن والبركات
وكل عام وانتو بخير
1
محرم
1428 هــ

Labels: ,

Wednesday, January 17, 2007

عدل عدل يا خليجي ثمنطعش

والله الافتتاح كان جميل وبسيط ومافيه اشياء تغث وعلى الفاضي كلها جم طن جراقي ولعب بالنار واعلام وحركات ومنسق بطريقه حلوه وبسيطه وعجبتني الطريقه الي رسمو فيها اميرهم والله حركه حلوه

وووووووو هاردلك حق الامارات على خسارتهم لمنتخب العمان 2/1 ومبروك للعمان ولو انه طرد اللاعب لاماراتي ماله معنى بس شنسوي على قوله الشباب "شيلو الحكم حطو حمار" و اللعب كان جميل وحلو وروح رياضيه

اما المشكله الكبيييره منتخب الكويت المنتخب اليي اييب امراض الرئه والقلب لوووول ومن التعليقات الي وصلتي على المنتخب

"منتخب الجل"

"زفت"

"لعب شوارع"

"لو يبيعون بنك احسن لهم"

والكثير والكثير من الاشياء الحلوه المعلق يمدح بالكويت وانهم يابو بطولات ومادري شنو وفجأه "قووووووووووول" ياب المنتخب اليمني قول على الكويت جان يغير الموضوع المعلق وقام يتكلم مادري عن شنو والله قصيتو ويهنا وبعد عناء مرير يالنا بلنتي من حيث لا ندري والحمدالله قوووول
ويه حرام عليكم تكفون نبي مباراه تلعبون فيها عدل تكفون نبي تفوزون بمبارات وحده ما نبي شي تعجيزي مادري على شنو مودينكم معسكرات وتدريب واحتراف وتخريف ولله حرام بس زين صار مستوانا مثل مستوى اليمن صار في تقدم صح؟ هايهايهايهايهاهيايهيهاي
ومساعد ندى يعطونه كرت اصفر مو عاجبه شكله ما يحب اللون الاصفر ويهيهيههيهي لي ماعطوه الاحمر"الاحمر يعبر" وقالوله اقظب الباب الي دشيت منه, اي ليييييش؟ مو اسكت عطوك انذار اسكت لا تقول ليش ما ليش والكره طاقه بإيدك, الحمدالله والشكر
وكثر ما ابي ادافع عن المنتخب ماقدر صكوها من كل مكان والي عنده شي ايجابي يقوله خل يخفف عن الجمهور الكويتي حزنه ويهيهييههيهييهي

وتنتهي المباراة بالتعادل
وما اقول الا يعطي منتخب الكويت العافيه وشدو حيلكم بالمستقبل
ويا جمهور منتخب الكويت
"أمانه خلكم ويانه"

Labels: ,

Monday, January 15, 2007

رحمك الله يا أمير القلوب



اللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحم ( الشيخ جابر الاحمد الصباح) رحمة واسعة وتغمده برحمتك
- اللهم ارحمه فوق الارض وتحت الارض ويوم العرض عليك . اللهم قه عذابك يوم تبعث عبادك .
- اللهم انزل نورا من نورك عليه
- اللهم نور له قبره ووسع مدخله وآنس وحشته
- اللهم ارحم غربته وارحم شيبته
- اللهم اجعل قبره روضة من رياض الجنة . لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين
- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد (الشيخ جابر الاحمد الصباح ) برحمتك يا ارحم الراحمين
- اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء
- اللهم ان ( الشيخ جابر الاحمد الصباح ) في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم
- اللهم ان ( الشيخ جابر الاحمد الصباح ) عبدك ابن عبدك يحتاج الى رحمتك وانت غني عن عذابه فارحمه
- اللهم وارزقه لذة النظر الى وجهك والشوق الى لقاءك
- اللهم ارجع نفسه اليك راضية مرضيه وادخله في جنتك مع عبادك الصالحين
- اللهم انت غني ونحن الفقراء فانت غني ونحن الفقراء فانت غني من عذابه فارحمه
- اللهم ان كان ( الشيخ جابر الاحمد الصباح ) من المحسنين فزد في حسناته و تجاوز عن سيئاته
- اللهم اجعل ذريته سترا بينه وبين نار جهنم
- اللهم اجعل ذريته ذرية صالحة تدعوا له بخير الى يوم الدين
- اللهم ادخله جنتك وكرمك جنات النعيم
- اللهم اني اسالك الفردوس الاعلى نزلا له
- اللهم وابني له بيتا في الجنة واجعل بملتقانا هناك
- اللهم واسقه من حوض نبيك محمد صلى الله عليه وسلم شربة هنيئة مريئة لا يظمأ بعدها ابدا
- اللهم واظله تحت عرشك يوم لا ظل الا ظلك ولا باقي الا وجهك . اللهم بيض وجهه يوم تبيض الوجوه وتسود وجوه اللهم يمن كتابه . اللهم وثبت قدمه يوم تزل فيها الاقدام . اللهم اكتبه عندك من الصالحين والصديقين والشهداء والاخيار والابرار . اللهم اكتبه عندك من الصابرين وجازه جزاء الصابرين .
- اللهم اني اسالك في هذه الساعة ان كان ( الشيخ جابر الاحمد الصباح) في سرور فزد في سروره ومن نعيمك عليه . وان كان في عذاب فنجه من عذابك وانت الغني الحميد برحمتك يا ارحم الراحمين
- اللهم تقبل منه القليل وتجاوز عنه التقصير
- اللهم اجعل مرضه كفارة لجميع ذنوبه . واجعل آخر عذابه عذاب الدنيا
- اللهم اني اسالك باسمائك الحسنى وصفاتك العليا وباسمك الطاهر الاعظم ان تتقبل منا دعاءنا بقبول حسن وان تجعله خالصا لوجهك الكريم
- اللهم ثبته بالقول الثابت وارفع درجته واغفر خطيئته وثقل موازينه
- اللهم حاسبه حسابا يسيرا يامن هو ارحم من عباده بانفسهم ومن الام بولدها
- اللهم ان ( الشيخ جابر الاحمد الصباح ) في كفالتك وفي ضيافتك فهل جزاء الضيف الا الاكرام والاحسان وانت اهل الجود والكرم
- اللهم ان (الشيخ جابر الاحمد الصباح ) في حاجة الى رحمتك وانت الغني في غنى من عذابه فارحمه
- اللهم حرم لحمه ودمه وبشرته عن النار
- اللهم استقبله عندك خال من الذنوب والخطايا واستقبله بمحض ارادتك وعفوك وانت راض عنه غير غضبان عليه
- اللهم افتح له ابواب جنتك وابواب رحمتك اجمعين
- اللهم اني اسالك يا حنان يا منان يا بديع السموات والارض يا ذا الجلال والاكرام
- اللهم اجعل ( الشيخ جابر الاحمد الصباح ) من الذين اذا احسنوا استبشروا
- اللهم اني اسالك يا ارحم الراحمين ان يكون ( الشيخ جابر الاحمد الصباح ) ممن بشر عند لموت بروح وريحان ورب راض غير غضبان
- اللهم يا باسط اليدين بالعطايا يا قريب يا مجيب دعوة الداع اذا دعاه يا حنان يا منان يا رب يا ارحم الراحمين يا بديع السموات والارض يا احد يا صمد اعطي (الشيخ جابر الاحمد الصباح) من خير ما اعطيت به نبيك محمد صلى الله عليه وسلم عطاء ماله من نفاد من مالك خزائن السموات والارض . عطاء عظيما من رب غظيم . عطاء ماله من نفاد عطاء انت له اهل عطاء يليق بجلال وجهك وعظيم سلطانك
- اللهم اغفر ( الشيخ جابر الاحمد الصباح ) وارحمه عدد من قالها ويقولها القائلون من اول الدهر الى آخره عدد من احصاه كتاب الله واحاط به علمه واضعاف ذلك اضعاف مضاعفه وكل ضعف يتضاعف من ذلك مضاعفة ابد الابد ومنتهى العدد بلا أمد لا يحيط به الا علمه اسال الله العظيم رب العرش العظيم ان يتقبل منا ومنكم الدعاء ويغفر لموتانا وموتاكم وموتى المسلمين وان يحسن خاتمتنا انه قادر على كل شيء
- وجزى الله خيرا من ساعد على نشر هذا الدعاء ودعا لاميرنا الشيخ جابر الاحمد الصباح
-------------------------------------------------------------------
من مأثورات الشيخ جابر رحمه الله

الكويت هي المنبت والحصن
إن الكويت هي المنبت الذي تمتد في أغواره جذورنا والحصن الذي نأوي إليه و نعتصم به بعد الله سبحانه وتعالى. إن الكويت هي الكيان الذي بمسك علينا وجودنا المتلاحم في معالمه وقسماته
اكتوبر 1994

حقيقتنا هي الكويت
إن الدروس القريبة والبعيدة قد علمتنا أن حقيقتنا هي الكويت، وأن التفافنا حول هذه الحقيقة هو الذي هيأ لنا بفضل الله انتصارنا المبين
مارس 1992

Labels:

Sunday, January 14, 2007

يا حلات الايام البايخه لما تطير بسرعه

ما تمرون مرات بأيام تضيق الخلق وتلوع الجبد وتخليكم ودكم تنتحرون؟ وفجأه @@ تكتشفون انه الايام المليقه قاعده تمشي بسرعه ويطمإن قلبك وتقول افيييييه مابغينا نخلص؟! ترى انا مادري عن شنو اتكلم بس مر ببالي اقول هالكلام يايتلي الحاله لأني مو نايم من امس وداش الامتحان مألف كتاب وطالع ككككككككك
الاعتراف بالحق فضيله وهلأيام الكلام ببلاش و الواحد من ضيقه الخلق ماعنده الا هالبلوق الي يقعد يخرف ويخربط فيه ويكتب كلام ماله معنى والناس تشاركه بخباله
صج لي قالو الجنون فنون (شكو؟) باقي اسبوع على ردتي الكويت وباقيلي 3 امتحانات ومالي خلق شي

والاخبار تضيق الخلق والدنيا معتفسه وكل شي فوق تحت

وامبيسي حاطين افلام بايخه

و ون تيفي ماعندهم الا يعيدون الافلام مليون مره

ونيللي طلعت من ستار اكادمي

والناس يدزولي مسجات من الكويت ما توصل

وعندي امتحان عقب باجر ومو متذكر ولا شي من المنهج

والافلام المصريه كلها بوق من الافلام الاجنبيه

وبمصر العيد مايخلص كل ما يشوفك واحد يقولك "كل عام وانت طيب يا باشا" مادري ليش

وتشوفلك مصريين اهني لابس بنفسجي بأخضر بأصفر ويمشي جنه مو هامه الدنيا يعني ستايل

وكل ربع ساعه واحد طاق الباب يقول "عندكم مكوه؟" يعني دراي كلين حق الي مايعرفون شنو يعني مكوه وانا اقوله لا ماعندي وبعد ربع ساعه الاقيه دازلي رفيجه يسألني عشان يمكن اكون مغير رأيي

وبعدين تكون مغسل ملابسك وحاطهم بره عشان تطقهم الشمس تلاقي جارك الطيب الي فوق قاعد ينفظ الزل والغبار والوصخ كله يطيح على ملابسك

وبعدين تلاقي حاطين فلم حلو بالتلفزون وتندمج وتكون الساعه 9 بليل وفجأه!!! تنطفي الكهربا الي بالمنطقه كلها لمده ساعه وتقعد وتحس نفسك بمخيم

ومن الملل تطلب من مطعم وانت مو يوعان وتاكل لقمتين وتقط الاكل على حارس العماره

وتتذكر انه عندك امتحان تقعد تدرس وتدرس وتدرس وتحفظ وبعدين واحد يدق عليك يقولك درست الفصل الفلاني؟ اقوله لا درست الفلاني يقولي هذا ملغي انت شقاعد تدرس؟

وبعدين تقعد تسجل الاشياء المهمه بسرعه وتحفظ وتحفظ وتعصر مخك وتطالع الساعه الا باقي 10 دقايق على الامتحان

وتقوم تركض وتلبس

وتاخذ قلمك ومادري شنو وتركض

وانت بنص الطريج تتذكر انه كرت الجامعه مو وياك وترد ركض

وتدوره بسرعه وتاخذه وتطلع ركض

وتوصل البوابه الرئيسيه واييلك الأمن يقولك "ما يحصش يا افندم تخش من هنا روح بوابه الطلاب" وانت تأففف

وتقوله يمعود انا متأخر مني مناك

يقولك آسف

وتركض تروح بوابه الطلاب

وبعدين تركض صوب المبنى مالك وتحاول تتذكر الي حفظته

وتدخل المبنى وتصعد الدور الرابع وماكو اصنصير

ولما توصل القاعه تلاقي المراقبين توه داشين

وتقول اي زييين لحقت الحمدالله وتقعد المكان السنع الي يطل على الشارع المعفن

وبعدين اييلك المراقب يقولك وين كرنيه الجامعه؟

تقوله كاهوه اخذه

ويطالع الكرت بنظره مستغرب ويقولك انت اي سنه؟

تقوله انا سنه ثانيه

!!!يقولك اليوم امتحان سنه اولى

وانت امتحانك باجر

.........

لا تعليق

Labels:

Sunday, January 07, 2007

وناخذ فاصل اعلاني

امتحانااات ماكو وقت لازم ندرس (اهم شي انا ادرس) سوف اختفي عن الانظار لحين انتهائي من الامتحانات وارد الكويت تاريخ 22/1 و الى ذلك الحين سوف ابقى بعيدا عن النت واجابل الدراسه شويه
ويويويويويويويوي
يالله باي لمه ارد الكويت اعطيكم موجز الاخبار

Labels: